Një ngjarje e rëndë dhe shumë e pabesueshme është regjistruar në Egaleo në Athinë. Një grua me origjinë nga Shqipëria hodhi nga ballkoni nipin dhe mbesën e saj. Fëmijët e moshës së mitur po luanin në shtëpinë e tyre dhe në atë moment kanë qenë vetëm në prani të tezes së tyre që i flaku nga ballkoni. Nipi dhe mbesa e tezes shqiptare që kreu aktin janë përkatësisht tre dhe pesë vjeç. Pasi hodhi fëmijët e motrës, gruaja shqiptare u hodh edhe vet duke e çuar numrin e të lënduarve në 3. 42-vjeçarja po trajtohet në Thriasio më lëndime në gjymtyrët e sipërme, ndërsa burime thonë se ajo vuan nga probleme të shëndetit mendor. Hetimet paraprake për ngjarjen janë ndërmarrë nga policia e Egaleos.
Ndërkohë, sipas mediave të huaja, “Protothema.gr” fqinjët e 42-vjeçares që rezultoi se vuan nga probleme të shëndetit mendor thonë se pasi hodhi fëmijët nga ballkoni, flaku sipër tyre edhe vazot me lule.
“Fëmijët po thoshin tezja na hodhi nga ballkoni. Ata qanin. Nëna ndodhej brenda në shtëpi dhe ishte në gjendje shoku. Natyrisht që gruaja nuk e kuptonte se çfarë kishte ndodhur me fëmijët e saj dhe po bërtiste”-tha një fqinj që doli nga shtëpia e tij për të ndihmuar dy fëmijët.
