Një grua 54-vjeçare ka ndërruar jetë gjatë një ndërhyrjeje kirurgjikale të kryer në një klinikë private në Durrës, ndërsa mjeku përgjegjës për operacionin është vënë nën hetim për neglizhencë mjekësore.
Policia lokale ka referuar rastin në Prokurorinë e Durrësit, ku është regjistruar procedimi penal në gjendje të lirë ndaj mjekut 59-vjeçar I. Sh., banues në Durrës, i cili ushtronte profesionin pikërisht në klinikën ku ndodhi ngjarja.
Njoftimi i Policisë:
U referuan materialet në Prokurori, ku nisi procedimi në gjendje të lirë për veprën “Neglizhenca në trajtimin mjekësor”, për shtetasin I. Sh., 59 vjeç, banues në Durrës, me detyrë mjek, pasi në klinikën e tij, ka humbur jetën gjatë një ndërhyrjeje kirurgjikale, shtetasja M. Xh., 54 vjeçe, banuese në Durrës.
