Asma al-Assad, gruaja e ish-presidentit sirian Bashar al-Assad, ka paraqitur një kërkesë për divorc në gjykatat ruse dhe kërkon leje për t’u kthyer në Londër për trajtim urgjent mjekësor.
E diagnostikuar me leuçemi, Asma ka dorëzuar dy kërkesa, një për divorc dhe një tjetër për leje që të largohet nga Moska, ku familja Assad ka kërkuar strehim pas rënies së regjimit të Bashar al-Assad.
Asma, e cila ka punuar si bankiere investimesh në Londër, dëshiron të kthehet në Mbretërinë e Bashkuar për kujdes mjekësor të specializuar.
Nëna e saj, Sahar al-Akhras, një ish-diplomate siriane dhe shtetase britanike, ka angazhuar firma ligjore të njohura në Londër për të ndihmuar në kthimin e saj.
Kjo kërkesë vjen disa javë pas largimit të familjes Assad nga Damasku, pasi qyteti ra në duar të forcave rebele. Asma nuk është e kënaqur me kujdesin mjekësor në Moskë, dhe divorci mund të shtojë sfida për Bashar al-Assad, i cili tashmë po përballet me pasoja politike pas humbjes së pushtetit.
