Paraditen e sotme, një dalje për mediat nga Kryesia e Kuvendit, Grida Duma që në nisje të fjalës së saj deklaroi se kishte dorëzuar zyrtarisht mandatin.
Ajo u shpreh se sipas saj ky është vendimi i duhur në një kontekst ku është sulmuar personalisht nga hienat me intriga të pacipta. Duma thekson që e ka ditur që në fillim se përfshirja në politikë do të kishte kosto, por nuk e kishte parashikuar se do të ishte në këto nivele. Në fund të fjalës së saj, Grida Duma e përsëriti disa herë se është e djathtë dhe do të mbetet e djathtë.
“Pak çaste më parë kam dorëzuar formalisht dhe zyrtarisht shkresën për lënien e mandatit të deputetes. Pas një reflektimi të gjatë, për të bërë të duhur për partinë time dhe votuesit që përfaqësoj, ky është vendimi i duhur. Mendoj se në politikë fatet individuale vlejnë të konsiderohen dhe rimendohen vetëm kur shkojnë në një kahje me fatet e njerëzve që përfaqësojmë. Më kanë goditur personalisht, jam sulmuar nga hienat.Kurrë e kundërta, megjithëse është bërë. Fati i njerëzve që përfaqësoj është misioni që zgjodha. Më e thjeshta do të ishte që të kisha qëndruar”, deklaroi në fjalën e saj Grida Duma.
