Dy kontrollorët e arrestuar të Rinasit kanë apeluar vendimin e Gjykatës dhe kanë kërkuar lirimin nga burgu.
Gjykata mori vendimin për të lënë në burg Armando Fezgën dhe Muhin Mezinin si organizatorë të grevës. Ndërkohë, në arrest shtëpie u la Flora Ndreca e cila deklaroi se ishte pushuar nga puna si kontrollore pasi kishte firmosur deklaratën e paaftësisë.
Armando Fezga dhe Muhni Mezini u lanë nga Gjykata në arrest me burg si organizatorë të grevës, dhe tashmë kanë apeluar vendimin ku kërkojnë lirimin. Ndaj tyre është ngritur akuza e shpërdorimit të detyrës e kryer në bashkëpunim.
Ata kanë depozituar kërkesë për një masë më të butë sigurie përmes avokatit të tyre.
Kontrollorët e aeroportit të Rinasit shpallën të gjithë deklaratën e paaftësisë pak ditë më parë duke çuar në bllokimin e fluturimeve. Ata e ndërmorrën këtë veprim pasi 5 kolegë të tyret u pushuan nga puna. Kontrollorët deklaruan se nuk mund të vazhdonin punën për shkak të stresit, lodhjes dhe mungesëssë përqendrimit dhe diçka e tillë mund të bëhej shkak për aksidente ajrore. Prej një viti paga e tyre ishte ulur me 70% për shkak të pandemisë.
Ndërkohë, të gjithë kontrollorët e tjerë janë rikthyer në punë përveç atyre që u lanë në arrest me burg dhe Ndrecës që u la në arrest shtepie.
