Edhe pse në një periudhë fatkeqësie natyrore, ku vetëm pak ditë më parë një tërmet i fuqishëm goditi dy vendet, tensionet mes Turqisë dhe Greqisë në lidhje me kufirin detar dhe kërkimin e naftës në det, janë rritur sërish.
Mësohet se gjatë ditës së sotme, stacioni Heraklion në Kretë i shërbimit hidrografik detar, lëshoi një anti-Navtex, duke kundështuar Navtexin e ri të paligjshëm Turk për hetimet e naftënxjerrëses Oruc Reis në juglindje të Rodosit.
Sipas CNN, Navtex Grek ka vërejtur se Navtex Turk është një veprimtari e paligjshme dhe e paautorizuar, pasi është një zonë që mbulon shelfin kontinental grek.
Ministri i Jashtme Greke Nikos Dendias në një deklaratë i ka bërë thirrje Turqisë që menjëherë të tërheq Navtex e lëshuar ditën e djeshme, e cila përfshinë një zonë që ndodhet brenda shelfit kontinental Grek dhe kërkimet aty janë të paligjshme.
“Këto veprime tregojnë edhe një herë se Turqia vazhdon të veprojë në kundërshtim me thirrjet e komunitetit ndërkombëtar, duke përfshirë Konkluzionet e Këshillit Evropian tetorin e kaluar, i cili i bëri thirrje Turqisë t’i japë fund këtyre veprimeve. “Greqia ri-dënon këtë sjellje delikuente, e cila heq mundësinë e një dialogu konstruktiv dhe i bën thirrje Turqisë të tërheqë menjëherë Navtex-in e saj të paligjshëm,“- ka deklaruar Dendias.
Gjithashtu Ministri i Jashtëm Nikos Dendias dha udhëzime për një notë proteste të menjëhershme për palën Turke, si dhe për të informuar Aleatët dhe partnerët në lidhje me sjelljen e vazhdueshme provokuese Turke ./GazetaReforma.com/
