Pas mbylljes së kufijve me Greqinë, brenda 24 orëve 2800 shtetas shqiptarë dhe të huaj kanë hyrë dhe kanë dalë nëpërmjet pikës kufitare të Qafë Thanës. Sipas burimeve zyrtare, numri i daljeve nga Shqipëria në drejtim të Maqedonisë së Veriut vijon të jetë i lartë.
Gjithashtu, shqiptarët po përdorin vendin fqinj për të kaluar tranzit drejt shtetit grek, për arsye se gjatë ditëve të fundit daljet janë shtuar për shkak të reduktimit të daljeve nga pika kufitare e Kakavijës nga pala greke.
Stacioni i policisë kufitare të Qafë Thanës ka shtuar numrin e sporteleve në hyrje dhe dalje dhe në fundjavë policia jonë kufitare ka punuar me pesë sportele, dy në hyrje dhe tre në dalje për të shmangur radhët në këtë pikë kalimi kufitar.
Gjithashtu, në datën 1 mars Greqia ndryshoi masat ndaj Shqipërisë, duke lejuar vetëm 400 qytetarë në ditë nga pika e kalimit kufitar në Kakavijë dhe shkak për këtë është bërë situata e rëndë nga pandemia e koronavirusit në shtetin fqinj.
Dy shtetet kanë pasur një rritje të madhe infektimesh nga koronavirusi, ku Shqipëria ka arritur shifrën 108,823 ndërsa Greqia ka arritur shifrën 194,582, gjë që e bën situatën më të rëndë për të dyja shtetet, gjithashtu që nga 11.11.2020, të gjithë njerëzve që udhëtojnë në Greqi nga vendet e huaja do t’u kërkohet të tregojnë një rezultat negativ të testit molekular (PCR) për COVID-19, i kryer deri në 72 orë para mbërritjes së tyre.
Sulmet izraelite në Iran, mbi 400 të vdekur dhe 650 të plagosur
Të paktën 406 persona kanë humbur jetën dhe mbi 650 të tjerë janë plagosur si pasojë e sulmeve ajrore izraelite...
