Pas Izraelit duket se shteti i radhës që do të njohë pavarësinë e Kosovës do të jetë edhe Greqia.
Ministri i Jashtëm i Greqisë, Nikos Dendias, ka theksuar se, është kënaqësi të jetë sot në Kosovë, ku mes të tjerash theksoi se është tregues për bashkëpunim rajonal mes fqinjëve.
Pas arritjes në Aeroportin Ndërkombëtar “Adem Jashari” për vizitë zyrtare, Dendias tha para mediave se, çështja e njohjes së Kosovës është çështje e vendosjes së marrëdhënieve mes dy vendeve.
Pak momente më parë ka filluar takimi i kryeministrit të Kosovës, Avdullah Hoti me ministrin e Punëve të Jashtme të Greqisë, Nikos Dendias.
Takimi mes Hoti e Dendias po bëhet pa praninë e mediave. Mediat janë lejuar të marrin vetëm pamje. Ministri Dendias, është pritur në aeroportin “Adem Jashari”, nga Ministrja e Punëve të Jashtme dhe Diasporës, Meliza Haradinaj-Stublla.
Kjo e fundit, e ka vlerësuar si tejet të rëndësishme këtë vizitë për Kosovën.
Me të mbërritur në Kosovë, ministri grek ka thënë se, njohja e Kosovës është çështje e vendosjes së marrëdhënieve midis të dy shteteve.
Pas takimit me Hotin, Dendias do të takohet edhe me kryetaren e Kuvendit të Kosovës, Vjosa Osmani.
/GazetaReforma.com/
