Emigrantit shqiptar i cili shpëtoi njerëz në tragjedinë e Matit, është vendosur t’i jepet shtetësia greke.
Me datë 2 janar do të bëhet ceremonia e dhënies së shtetësisë si shenjë simbolike.
Ky vendim u botua më datë 21 dhjetor në fletoren zyrtare dhe ceremonia do të bëhet në praninë e presidentit Pavlopulos.
Emri i shqiptarit në vendim është Gani Xheka, ndërsa për publikun ai njihet si Ervin Cenga.
Vendimi është shpallur nga mediat greke dhe bashkë me shqiptarin, shtetësia do t’i jepet në shenjë falenderimi edhe dy emigrantëve të tjerë nga Egjipti, të cilët gjithashtu rrezikuan jetën për të shpëtuar grekët që po arratiseshin nga flakët e tmerrshme në Mat.
Sipas Ministrit të Brendshëm Aleksi Haritsi, kjo gjë është minimumi që mund të bëhet nga shteti grek për veprat heroike të emigrantëve në këtë tragjedi e cila shënoi historinë bashkëkohore të Greqisë.
Ai shprehu një mirënjohje të thellë për tre emigrantët dhe ky simbol është një shenjë falenderimi për ta.
