8 persona kanë humbur jetën nga gripi në Greqi.
Ndërkohë 28 persona të tjerë kanë shfaqur komplikacione të rënda.
Mjekët e shtetit fqinj japin alarmin për vaksinimin sa më të shpejtë sidomos të grupmoshave me rrezikshmëri të lartë, si fëmijët dhe të moshuarit.
Sipas tyre nga 36 të prekurit nga virusi, 90% ishin të pavaksinuar.
Në fund të muajit dhjetor ECDC(Qendra Europiane për Kontrollin dhe Parandalimin e Sëmundjeve) kishte paralajmëruar për përhapjen e virusit të gripit H1N1, duke u bërë thirrje zyrtarëve dhe gjithë sistemit shendëtsor të jenë në gatishmëri.
Specialistët bëjnë me dije se virusi në fjalë do të ketë një përhapje edhe më të madhe në ditët në vijim pasi periudha e virozave zgjat zakonisht deri në fund të marsit.
Në vitin që lamë pas, në Greqi, humbën jetën nga gripi të paktën 152 persona.
