Një vrasje brutale ka ndodhur në rrugën Lakonias 19, në Ampelokipi të Athinës pasditen e së enjtes.
Një burrë i moshes 39-vjeçare me origjinë shqiptare ka vrarë gruan e tij me çekiç përpara një jave, por ditën e sotme ka njoftuar autoritetet greke duke u treguar krimin që ka kryer.
Telefonata është bërë pak pas orës 18.00, menjëherë policia ka mbërritur në vendngjarje pas telefonatës.
Sipas medive greke, policët sapo janë futur në banesë, kanë ndierë një aromë të keqe, ndërsa në papafingo kanë gjetur çanta të zeza, ku dyshohet se është futur trupi i gruas.
39-vjeçari ka thënë se e ka vrarë duke e qëlluar me grushte dhe me çekiç, teksa fëmijët ishin në shkollë. Ai ka thënë se e ka bërë nga xhelozia. Gjatë gjithë këtyre ditëve, fëmijët lëviznin nëpër shtëpi pa e ditur se trupi i nënës ndodhej i fshehur aty.
