Në Greqi është vrarë një 28- vjeçar shqiptar. Sipas mediave greke, autorët janë dy kushërinj të tij, vëllezër të moshës 17 dhe 19 vjeç.
Sipas mediave greke, ngjarja ka ndodhur rreth orës 22:50 kur efektivët e Policisë Rrugore, të cilët po lëviznin drejt Patisionit, panë të rrëzuar përtokë 28 vjeçarin Denis Loka.
Ai u dërgua me ambulancë në spitalin Evangelismos, por nuk mundi që të mbijetojë dhe ndërroi jetë.Ndërkohë, dy vëllezërit shqiptarë janë paraqitur vetë në komisariat. 17 vjeçari Enis Loka ka deklaruar se ka qenë ai autori i krimit ndërsa 19-vjeçari Aleksandros Loka ka qenë bashkëpunëtor.
Siç pretendojnë dy vëllezërit shqiptar me nënshtetësi greke, 28-vjeçari i kishte dhunuar dhe kishte abuzuar me ta.
