Gazeta greke “Greek City Times” paralajmëron grumbullime të nacionalistëve grekë në fshatin Bularat, në 2 vjetorin e vrasjes së Konstantinos Katsifas. Gazeta iu referohet burimeve nga Himara.
Autoritetet shqiptare vendosën këtë datë në mënyrë që shërbimi përkujtimor të mos bëhej në të njëjtën ditë me ngjarjet e kremtimit të 28 Tetorit të Ditës së “Oxi” në varrezat ushtararakëve grekë në Bularat.
Sipas banorëve, të cituar nga gazeta greke, prej disa ditësh, forca të hapura dhe të fshehta të policisë po monitorojnë lëvizjet e banorëve të fshatit dhe familjes Katsifas.
Megjithëse kanë kaluar dy vjet të plotë nga vrasja e Katsifas më 28 tetor nga forcat e policisë, familja pretendon se ende nuk ka marrë përfundimet e hetimit nga gjykatat shqiptare mbi rrethanat e vdekjes së Konstantinos.
Deri më sot, dy prokurorë kanë dhënë dorëheqjen nga kjo çështjem shkruan gazeta.
Incidenti ka të bëjë me Katsifas, një 35-vjeçar që i përkiste komunitetit grek vendas (gazeta i referohet Vorioepir), u shfaq në fshatin bularat i armatosur duke mbajtur një flamur grek. Më pas policia e qëlloi për vdekje, gjatë një shkëmbimi të shtënave me forcat speciale.
Katsifas kishte ngritur flamurin grek për Oxi Day për të përkujtuar ushtarët grekë që humbën jetën duke mbrojtur Greqinë gjatë Luftës Greko-Italiane të 1940.
Në atë kohë, Ministria e Jashtme greke lëshoi një deklaratë duke thënë se ishte “e papranueshme që operacioni arriti në pikën ku humbi jeta njerëzore”.
“Ne presim nga autoritetet shqiptare sqarimin e plotë të kushteve në të cilat shtetasi grek në fjalë humbi jetën dhe do të marrë menjëherë masat e duhura,” deklaronte ministria greke..
Përkujtimi i vrasjes së Katsifas është kthyer në një pelegrinazh për nacionalistët grekë që vijnë në këtë datë nga shteti fqinjë.
/GazetaReforma.com/
