Reagimit të Kryeministrit Rama për të ndërprerë grevën, gratë naftëtare i kanë kthyer përgjigje menjëherë.
Ato shprehen se do dalin vetëm të vdekura nga greva. Kryeministri u ka premtuar dhe në 2017 që do u japë rrogat, por asnjë nuk i ka tërhequr.
“Ta harroj kryeministri se do dalim nga greva. Këtu do vdesim. Të vijë vetë krtyeministri këtu e pastaj flasim. Duam zgjidhje. Ne duam lekët e prapambetura dhe pastaj rifillimi i punës. Nuk kemi më besim. Të vijë dhe ministrja Balluku. Jam me naftëtarët thotë ai, po pse ky është reagimi, të ndërpresim grevën?”, tha një grua naftëtare. “Deri në vdekje do rrimë këtu. Ne sytë dhe veshët te kryeministri dhe Balluku i kemi. Dhe ne që jemi këtu duam të ishim në familjet tona”, tha një tjetër.
Një tjetër grua naftëtare tha se kryeministri Rama është i mirëpritur në Ballsh, por të ketë zgjidhje konkrete sepse në të kundërt ata nuk e ndërpresin grevën. “Ne nuk e ndërprëesim grevën se në 2017 Rama na tha do t’ju japim lekët. Ne lekët s’i kemi marrë akoma. Po të na hedhi lekët kryeministri në rregull jemi. Ne nga kryeministri e presim zgjidhjen. Ai është i pari i vendit. Të vijë këtu, të bëjmë një takim sipas rregullave”, tha një tjetër naftëtare.
Po ashtu, edhe një punonjës i Rafinerisë, mekanik në uzinë, tha se Rama e ka Ballshin shtëpinë e tij, por pa zgjidhje konkrete nuk ka pse të kërkojë takim me ta.
/GazetaReforma.com/
