Ndërkohë që hetimet për katër të arrestuarit vijojnë , në emisionin “opinion” është theksuar se një nga të arrestuarit e fundit për grabitjen e Rinasit ka luftuar në Afganistan. Lajmi bëhet i ditur nga gazetari Artan Hoxha. Sipas tij bëhet fjalë për 38-vjeçarin Oltian Veseli.
“I kam shkuar në shtëpi në Oltian Veseli. Në atë kohë sapo ishte depërtuar nga Afganistani. Ka ikur në 2003 për të bërë studime teologjike, madje kishte bërë stërvitje atje. Ka jetuar në Jemen dhe Pakistan. Është arrestuar në Afganistan dhe në 2005 i është nënshtruar një hetimi. Në 25 qershor të 2006 ai është riatdhesuar në Shqipëri. Ndër të tjera ai është stërvitur nga muxhahedinët. ”- ka thënë gazetari në emisionin Opinion.
Oltian Veseli, nuk është një emër i panjohur për autoritetet shqiptare po ashtu dhe ato amerikane. Sipas gazetarit Artan Hoxha ai ka luftuar në krah të talebanëve në Aganistan.
“Imami”, kështu njihej 38-vjeçari Oltian Veseli, banues në Krujë i arrestuar së fundmi për grabitjen e 9 Prillit në Rinas, ku u morën 6.5 milionë euro.
Ndërkohë nga ana tjetër Klodiana Lala ka treguar se është pikërisht Oltiani i cili është futur në pistë, është autori që mban automatikun dhe që ndodhet pranë Admir Murataj.
