Pas publikimit të mediave greke dhe tashmë që është duke qarkulluar në ato shqiptare, se personi i cili është gjetur i vrarë është Admir Murati, Policia e Shtetit është hedhur në veprim.
Pak më herët mësohet se efektivët blu kanë shoqëruar bashkëshorten e Muratit në komisaritat për të deklaruar. Policia dyshon se bashkëshortja e tij ka dijeni dhe informacionin e duhur për grabitjen, ndaj edhe është duke u përpjekur që të marrin edhe informatat më të vogla.
Gjithashtu bëhet e ditur se gjatë mëngjesit të sotëm, në morg ka shkuar edhe vëllai i Admir Muratit, i cili ka kërkuar të shohë trupin për të konfirmuar përfundimisht nëse bëhet ose jo fjalë për të.
“Policia nuk më konfirmon nëse i vrari është vëllai im. Ne kemi disa orë që presim ngushëllime, por ende nuk kemi haopur dyert e mortit”, shprehet më tej ai për News24.
Deri më tani nuk ka asnjë konfirmim zyrtar se bëhet fjalë për Admir Muratin, mirëpo dyshimet janë shtuar shumë sidomos pas shoqërimit të bashkëshortes së tij dhe marrjes së iniciativës së vëllait të tij për të bërë njohjen e trupit.
