Një ngjarje e rëndë ka ndodhur pak pas mesnate në Nikël, ku është dhunuar buiznesmeni Nazmi Çangu, nga disa persona të paidentifikuar që kanë grabitur banesën.
Së fundmi ka folur edhe vëllai i biznesmenit Nazmi Çangut, i cili ka treguar detajet si ndodhi ngjarja ndaj familjes së vëllait të tij. Vëllai shpjegon hap pas hapi edhe shtëpinë, e cila u kthye në skenë krimi në orët e para të mëngjesit të sotëm.
“U futën drejt për në kat të dytë. Kjo është dhoma e gjumit të çiftit, ja çfarë ka ndodhur këtu (dhoma e përmbysur). Ja kasaforta. (e hapur dhe e zbrazur). Dhoma e çunit, këtu mbrëmë ka fjetur Nazmiu, kanë thyer derën këtu, kanë hyrë brenda dhe janë përleshur me njeri-tjetrin, me automatik. Njollat e gjakut janë të Nazmiut dhe përleshjes, e kanë përplasur në mur. Aty ka hyrë i pari (muri i jashtëm), i maskuar dhe ka marrë rrugën pas mandarinës në oborr. Ka provuar dy makinat dhe më pas ka bërë hapjen me trapan të bravës së derës. makina është e dëmtuar, e kanë provuar me kaçavidë. Ka tentuar ta hapin dhe makinën tjetër, por nuk kanë mundur ta hapin se kjo është makinë më e re”, deklaroi vëllai i kryefamiljarit në një intervistë për “Balkanweb”.
Ndër të tjera ai ka treguar se disa prej autorëve kanë dalë nga dera e pasme, të cilën e kanë hapur me trapan.
“Ja dera që kanë hapur me trapan dhe kanë hyrë brenda në kat të dytë. Personat e tjerë, 5-6 kanë hyrë nga kjo derë dhe kanë dalë këtej në rrugë, ku dyshohet se i ka pritur një makinë”, deklaron vëllai i Nazmi Çangut.
