Pas 21 ditëve nga grabitja e 6 milionë eurove në Aeroportin e Rinasit vjen edhe masa e parë e marrë nga ana e Prokurorisë për punonjësit e aeroportit.
Prokuroria e Krimeve të Rënda ka kërkuar arrestimin e 5 punonjësve të kompanisë së sigurisë në aeroport, ICTS dhe kjo për shkak të dëshmive të dyshimta që kanë dhënë në lidhje me detajet që janë kërkuar rreth grabitjes.
Dyshimi që Prokuroria ka hedhur lidhet drejtpërdrejt me ndihmesën që një person i brendshëm i ka dhënë grupit të grabitëve rreth transportit dhe levizjes së parave.
Kështu që gjithçka tashmë është përqëndruar në zbulimin e personit të brendshëm që iu ka dhënë Admir Muratajt dhe grupit të tij, informacionin e nevojshëm.
Megagrabitja ka ndodhur në datë 9 prill dhe janë vjedhur plot 6 milionë euro, kjo e konfirmuar nga dëshmitë e dhëna në Prokurori nga tre bankat e nivelit të dytë.
