Ekstremisti mysliman, Oltion Veseli, ka kërkuar një seancë ballafaquese me të penduarin e bandës së grabitjes së Rinasit, Alkond Bengasin.
Pas përfundimit të seancës, Veseli, ka mohuar të gjitha akuzat që Bengasi kishte bërë në drejtim të tij, në lidhje me planin për grabitjen në Rinas më 9 prill 2019.
Nga ana tjetër edhe Klement dhe Eldi Çalja janë ballafaquar me të penduarin Alkond Bengasi më parë.
Kërkesa është bërë nga i pandehuri Veseli, i cili ka kërkuar të ballafaqohet me të penduarin e drejtësisë. Brengasi ka pohuar se ka qenë ai që ka modifikuar furgonin me mbishkrimin ‘Hetimi Tatimor’.
Bengasit i është dhënë statusi i bashkëpunëtorit të drejtësisë në këmbim të informacioneve të vlefshme për zbardhjen e ngjarjes.
Oltion Veseli e ka mohuar të ketë lidhje me grabitjen e 9 prillit 2019 në Rinas, ndërkohë që pretendon se Gjykata e dënoi në mungesë të provave dhe fakteve. Brengasi është ballafaquar edhe me vëllezërit Çala.
Kujtojmë që Brengasi ka identifikuar dhe Ragip Hajdinin, i cilësuar si ‘Daja’ nga Kosova.
Sipas hetuesve, ‘daja’ dyshohet se është personi që ka siguruar furgonin ‘Chevrolet’ që më pas u modifikua në Elbasan për t’u përdorur në grabitje.
Kujtojmë se në grabitjen e ndodhur në Rinas në datën 9 prill u vodhën 6 milion euro.
Admir Murataj i cilësuar si truri i grabitjeve të parave të bankave të nivelit të dytë mbeti vrarë nga shkëmbimi i zjarrit me policinë.
