Pak nga pak grabitjes së ndodhur në 9 prill në Aeroportin e Rinasit është duke iu dhënë zgjidhje.
Njëri prej të arrestuarve, Alkond Bengasi edhe pse ende nuk është marrë në cilësinë e bashkëpunëtarit të drejtësisë, në prani të avokatit të tij ka zbuluar shumë detaje të asaj dite.
Bengasi në rrëfimin e tij ka nxjerrë emra të personave të përfshirë, Klement Çelën dhe të vëllain e tij, Eldi Çelën, të cilët tashmë ajnë shpallur në kërkim, ndërkohë që ka qenë vet Bengasi ai që ka loguar furgonin me mbishkrimin “Hetimi Tatimor”, por edhe furgonin tjetër të djegur pranë Bathores.
Vëllezërit Çela nuk dihet se ku mun dtë ndodhen, mirëpo sipas policisë nuk ka të dhëna që këta të fundit të kenë lënë vendin, edhe pse mund ta kenë bërë në mënyrë të paligjshme.
Mirëpo bashkë me vëllezërit Çela, dëshmitari ka dhënë edhe dy persona të tjerë, të cilët i identifikon si “Daja” nga Kosova dhe një tjetër person të identifikuar vetëm si “Tani”. Edhe këta dy persona janë shpallur në kërkim, ku pjesë është bërë edhe Policia e Kosovës, për shkak se besohet se fshihen pikërisht aty. Një tjetër emër për të cilin është lëshuar masë sigurie është edhe Oltian Veseli, i cili deri më tani ka mohuar përfshirjen në ngjarje, mirëpo dyshimet ndaj tij janë të forta. Policia aludon se ka qenë pikërisht Veseli ai që ka mbajtur drejt rojeve të sigurisë në aeroport dhe kjo në bazë të kamerave të sigurisë.
