Ashtu siç e bëmë të ditur edhe më herët, në mbledhjen e sotme të zhvilluar në Ministrinë e Brendshme, detaje të reja janë bërë publike, pasi janë identifikuar dy nga grabitësit e 5.7 mln eurove në Rinas.
Sipas A2, identiteti i njerit prej tyre tashmë bëhet i njohur edhe për publikun, ndërsa përsoni tjetër ende mbahet i fshehtë.
Grabitësi i identifikuar nuk është i panjohur për policinë, pasi bëhet fjalë për Klement Çelën, 31 vjeç nga Elbasani, i cili ka qenë i pranishëm edhe në grabitjen e ndodhur në vitin 2017.
Çela që prej 2017-ës ka qenë i shpallur në kërkim, pasi së bashku me Admir Muratajn goditi blindat me para të cilat ishin nisur drejt Aeroportit të Rinasit.
Në atë kohë të dy, si Çela ashtu dhe Murataj, arritën t’i shpëtonin policisë dhe për dy vite me radhë të mbanin profil të ulët duke mos rënë në gjurmën e uniformave blu, mirëpo ngjarja e ndodhur së fundmi nuk iu ka rezultuar aq “e suksesshme” sa ajo e para.
