Një ngjarje e rëndë ka ndodhur në Sarandë mbrëmjen e sotme ku është sulmuar një 60 vjeçar dhe i është marrë një shumë parash. Mësohet se personi që ka rënë pre e sulmit është Ibrahim Didani, i cili punonte si kambist dhe gjatë sulmit i është vjedhur një shumë të konsiderueshme parash prej 500 mijë lekësh të reja. Mësohet se autorët e ngjarjes janë dy burra dhe një grua të cilët i kanë bërë pritë në hyrje të ashensorit të pallatit ku ai jeton. Ata janë ende të paidentifikuar.
Policia njofton se ngjarja ka ndodhur në lagjen Numër 4 të Sarandës, ndërsa është duke bërë krehjen e zonës në mënyrë që të bëjë të mundur kapjen e autorit. Grupi hetimor ndodhet po ashtu në vendngjarje. Ndërkohë, Ibrahim Didani ndodhet në spitalin e Sarandës për të marrë ndihmën e nevojshme mjekësore dhe ndodhet jashtë rrezikut për jetën.
Njoftimi i plotë i policisë:
Sarandë/Informacion paraprak
Me datë 07.05.2021, rreth orës 19:45, në lagjen nr.4, Sarandë, 1 person ende i paidentifikuar, në hyrje të një pallati ka shtyrë shtetasin I. D., rreth 60 vjeç dhe i ka marrë një shumë parash.
Nga ana e Policisë po bëhet krehja e zonës, grupi hetimor ndodhet në vendngjarje dhe po punon për identifikimin dhe kapjen e autorin.
