Një grabitje është regjistruar mbrëmjen e djeshme në Gjirokastër.
Sipas “Faxweb” pre e grabitësve ka rënë banesa e shtetasit Vasil Basha.
Mësohet se tre persona të maskuar, kanë thyer me forcë derën dhe më pas kanë marrë një valixhe me para.
Dyshohet se brenda në valixhe ndodhej shuma prej 15 mijë eurosh.
Brenda në banesa kanë qenë edhe dy gra të mbyllura në një dhomë, të cilat nuk i kanë identifikuar autorët.
Policia ka shkuar në vendngjarje dhe ka nisur punën për identifikimin dhe arrestimin e autorëve.
