Ditën e sotme Këshilli Bashkiak i Himarës do të vendosë se kush do e drejtojë këtë bashki.
Kjo mbledhje vjen pasi kryebashkiaku i zgjedhur me votë në zgjedhjet e 14 majit, Fredi Beleri dhe kryebashkiaku ne detyrë, Jorgo Goro ndodhen në burg.
Bëhet me dije se Këshilli Bashkiak do të zgjedhë mes dy nënkryetarëve, Blerina Bala dhe Pervin Gjikuria. I zgjedhuri do të drejtojë bashkinë Himarë deri në zgjedhjet e reja.
Në këtë bashki, Partia Socialiste ka 13 vota në Këshill, ndërsa koalicioni opozitar ka vetëm 8, pra mazhoranca do të zgjedhë e vetme.
Kujtojmë se pak ditë më parë Jorgo Goro u arrestua nga SPAK, nën akuzën e tjetërsimit të pronave në Dhërmi. Ndërsa Fredi Beleri u arrestua dy ditë para zgjedhjeve të 14 majit dhe akuzohet për korrupsion në zgjedhje.
