Një ngjarje e rëndë për motive pronësie është parandaluar ditën e sotme në Sauk. Policia ka ndërhyrë në një konflikt familjar, duke parandaluar ndonjë tragjedi të mundshme.
Efektivët e policisë kanë arrestuar një 43-vjeçar, i cili po konfliktohej ashpër me vëllain e tij për motive pronash.
43-vjeçari ka plagosur me sende të forta vëllain e tij 46-vjeç. Ky i fundit është dërguar edhe në spital për të marrë mjekimin e nevojshëm. Mësohet se është jashtë rrezikut për jetën e ndërsa 43-vjeçari është ndaluar për veprën penale të kryer ndaj vëllait të vet.
Njoftimi i policisë:
Shërbimet e Komisariatit të Policisë Nr. 1 Tiranë, parandalojnë përshkallëzimin e mëtejshëm të një konflikti familjar për motive pronësie. Shërbimet e Policisë kanë marrë njoftim se në Sauk po ndodhte një konflikt familjar.
Menjëherë shërbimet e Policisë kanë reaguar, duke arrestuar në flagrancë për veprën penale “Dhuna në familje”, shtetasin A. B., 43 vjeç, pasi është konfliktuar fizikisht për motive pronësie me vëllain e tij 46 -vjeçar, i cili është dëmtuar dhe është dërguar në spital. Materialet proceduriale do t’i referohen Prokurorisë së Rrethit Gjyqësor Tiranë për veprimet të metejshme”, shkruan Policia në njoftimn për mediat.
Konfliktet për pronën në Shqipëri janë të shpeshta, pasi ky problem është shumë prezent. Dhe më herët Policia ka ndërhyrë për të parandaluar sherre të tilla, por ka dhe familje të cilat e kanë zgjidhur çështjen me anë të gjykatave.
