Policia e Tiranës ka arrestuar një 38-vjeçar, të dyshuar si i përfshirë në ngjarjen e dhunshme që ndodhi mbrëmjen e së premtes në një rezidencë në Lundër, ku u plagos 19-vjeçari Kristi Fufi, djali i ish-deputetit të PD-së, Mhill Fufi.
Sipas njoftimit të policisë, specialistët e Komisariatit Nr. 1 kanë referuar materialet në Prokurori dhe kanë nisur procedimin penal për shtetasin K. S., i cili dyshohet se ka goditur dhe kanosur të riun, i cili ndodhet aktualisht i shtruar në spital.
Konflikti ka ndodhur në një ambient rezidencial në Farkë, ndërkohë që policia po punon për identifikimin dhe kapjen e personave të tjerë të përfshirë.
Hetimet për zbardhjen e motiveve dhe ngjarjes janë në vazhdim.
