Policia e Dibrës ka arrestuar 35-vjeçarin Eriol Çela, i cili goditi me grusht një punonjës policie.
Sipas autoriteteve, incidenti ndodhi pas vendosjes së një gjobe për parkim të gabuar.
Njoftimi:
Goditi me grusht, për shkak të detyrës, një punonjës policie, vihet në pranga 35-vjeçari.
Specialistët për Hetimin e Krimeve të Komisariatit të Policisë Dibër arrestuan në flagrancë shtetasin Eriol Çela, 35 vjeç, banues në Peshkopi, pasi gjatë veprimeve procedurale për vënien e një mase administrative, për parkim të gabuar, ka goditur me grusht, një punonjës të Drejtorisë Vendore të Policisë Dibër.
Materialet procedurale iu referuan Prokurorisë pranë Gjykatës të Shkallës së Parë të Juridiksionit të Përgjithshëm Dibër, për veprime të mëtejshme.
