Europol ka njoftuar se, në bashkëpunim me autoritetet spanjolle, ka shkatërruar një rrjet të madh trafikimi droge, duke sekuestruar 6 ton kokainë dhe 6 milionë euro.
Hetimi, që ka nisur në qershor 2022 dhe ka përfshirë Bullgarinë, Kolumbinë, Kosta Rikën dhe Panamanë, ka zbuluar se anëtarët e rrjetit ishin shtetas nga Shqipëria, Bullgaria, Kolumbia dhe Spanja.
Ata organizuan trafikimin e sasive të mëdha kokainë nga Kolumbia në Evropë, me shqiptarët që vepronin si investitorë dhe financues, ndërsa bullgarët, kolumbianët dhe spanjollët mbikëqyrnin shpërndarjen.
Hetimi ka zbuluar se anëtarët e rrjetit përdornin metoda të sofistikuara, si fshehja e drogës në kontejnerë dhe përdorimi i punëtorëve të korruptuar për ta nxjerrë kokainën gjatë natës.
Rrjeti kishte kapacitetin për të sjellë deri në një ton kokainë në javë dhe pastronte të ardhurat nga krimet. Në tetor 2024, autoritetet kapën 4.1 ton kokainë në Panama me destinacion Spanjën.
Gjatë aksionit, që përfshiu tre faza ndërmjet dhjetorit 2024 dhe janarit 2025, u realizuan 22 arrestime në Spanjë dhe 27 bastisje. Pasi sekuestruan 6.5 milionë euro, 35 automjete, përfshirë makina luksoze, orë dhe stoli, 48 armë dhe 53 llogari bankare të ngrira, Europol theksoi rëndësinë e bashkëpunimit ndërkombëtar për të luftuar këtë rrjet të kriminalitetit global.
