SPAK ka lëshuar 20 urdhër-arreste dhe 50 mandate kontrolli, në kuadër të luftës kundër trafikimit të emigrantëve dhe klandestinëve. Disa persona janë arrestuar ndërkohë janë kontrolluar dhjetra banesa.
Operacioni është kryer në bashkëpunim me autoritetet e Spanjës, Italisë, Kosovës, SHBA-së dhe Shqipërisë. Sipas informacioneve i përfshirë në aktivitetin e grupit kriminal eshtë edhe një polic. Po ashtu mësohet se disa prej personave për të cilët është lëshuar urdhër-arrest janë aktualisht në burgje, jashtë vendit.
Kjo bandë kriminale akuzohet se pajiste me pasaporta false emigrantët. Pritet një reagim zyrtar nga SPAK apo Policia e Shtetit, për informacione të detajuara. Ende nuk ka detaje në lidhje me këtë operacion, në orët në vijim priten informacione më të detajuara.
