Gazetari Artan Hoxha ka zbuluar detaje të reja në lidhje me arsenalin e armëve që u zbulua dy ditë më parë në Tiranë. I ftuar në emisionin “Radari Informativ” në Abc News, Hoxha ka thënë se mes armëve gjendet edhe një sniper që përdoret edhe nga NATO dhe SHBA. Arma godet nga distanca të largëta, deri në 3 km dhe asgjëson edhe një mjet të blinduar. Një armë e tillë gjendet vetëm në Amerikë në treg, por gazetari tregon se në Shqipëri mund të jetë sjellë me pjesë pasi është e çmontueshme.
“Mes armëve, është një armë sniper. Nuk besoj është përdorur. Fakti që ka hyrë në Shqipëri më intrigon se si e kanë futur. Është një sniper “Styer” prodhim austriak. Është shumë i veçantë. Në përdorim nga NATO. Edhe SHBA ka “Remingtonin” e distancave të largëta. Është shumë e vështirë ta fusësh në Shqipëri. Por mund ta kenë sjellë me pjesë. Kjo lloj arme me një fuqi jashtëzakonisht të madhe. Është një armë që uroj të mos kemi situata të tilla. Por aty asgjëson një mjet, le të jetë i blinduar 3 km. Është 12.7 kalibri. Kundërajror. Armë që eliminon objektiva njerëzor 1.8 kilometra. Përdoret vetëm në front. Vetëm në luftë. Në Irak dhe Afganistan. Shtajer është cilësi shumë e mirë. E fundit fare. Vetëm në Amerikë e gjen në treg.
“Çmimi 9 mijë plus 3 mijë optika speciale shkon diku 12 mijë euro vetëm për ushtrinë. Nëse nr i çojnë kompanisë do ta gjejnë se kush e ka shitur këtë armë. Se kjo armë është ndryshe nga këto prodhim serb. Dhe tua vesh në dispozicion vrasësve. Ke krijuar disa atentate që nuk i gjen dot. Në 3 km distancë. Është shumë e vështirë të gjendet. Fuqia dhe është çudi e madhe se si është futur. Është armë e çmontueshme dhe e fusin pjesë pjesë. Arma nuk ka ardhur si njësi në valixhe. Për të kuptuar se deri në çfarë niveli sofistikimi ka arritur krimi.”- tha Hoxha.
Dy ditë më parë Policia e Shtetit, në kuadër të operacionit “Kompleks” zbuloi 2 baza që shërbenin për modifikimin, magazinimin dhe furnizimin me armë të grupeve kriminale në të gjitëh vendin. Operacioni u zhvillua në magazinën e Sokol Xhurës, i cili është shpallur në kërkim. Në magazinë u zbuluan 50 automatikë, 1 sniper, granata, lëndë shpërthyese C4, mitraloz, pistoleta etj.
