Ditën e sotme gjatë seancës parlamentare kishte debate të forta mes ministrit të brendshëm Bledi Çuçi dhe deputetit demokrat Ervin Salianji.
Deputeti Ervin Salianji ka kërkuar shpjegim për të gjithë ata persona të lidhur me PS-në që sipas tij ‘bënë namin’ para zgjedhjeve të 25 prillit dhe emrat e tyre ishin nëpër komisariate.
Me një foto në duar, deputeti kërkoi përgjigjie për një shtetase të cilën e quajti “goca me syze e OFL-së” dhe për të gjitha vrasjet me tritol në pak muaj.
Nga ana tjetër ministri Çuçi e quajti deputetin zëdhënës të lajmeve të kronikës së zezë, duke shtuar se vrasjet me tritol nuk kanë lidhje me qeverinë por është mënyra si qytetarë të caktuar zgjidhin konfliktet e tyre, dhe se vajza është këshilltare dhe nuk pretendonin të ndalonte vrasjet.
Pjesë nga interpelanca:
Salianji: Kriminelët po vrasin aty ku ata duan dhe ku duan të japin mesazh. Në një prej zonave më luksoze, vrasje me tritol, nuk kanë frikë nga shteti sepse rrinë me njëri-tjetrin. 18 raste vendosje tritoli këtë vit, a e kuptoni sa i duhet krimit të livadhisë si i do qejfi dhe për të vrarë këdo.
Në 4 raste janë efektivë policië të përfshirë, kanë ndodhur ngjarje të pandodhura, ka vdekur njeriu brenda komisariatit, polici vret kolegun e tij.Janë kaq shumë vrasje pa autor, tonelata me drogë kalojnë nga Durrësi. Vrasje e drogë të përhershme sepse kjo parti bashkëpunon me krimin.
Çuçi: Duhen ruajtur balancat gjinore, ajo vajza me syze sot është këshilltare, Se ku e kemi çuar ne sigurinë e vendit tonë mund të bëni sa të doni rolin e spikerit të kronikës së zezë, e dinë shqiptarët. Shqipëria sot është në pikën më të lartë të sigurisë, ku zhvillohen ngjarje europiane dhe rritet numri i turistëve nga viti në vit.Lidhur me dështimin për dy nismat atipike, po ju lexoj disa statistika. Ju nuk e keni kuptuar që ligji i OFL-së ka qenë me mandat 1-vjeçar. Asnjë vend nuk pretendon zero vrasje. 310 pasuri janë sekuestruar nga SPAK, të konfiskuara 2.3 milionë dollar. Rezultatet flasin qartë, një këshillë nuk bëhet politike më lajmet e kronikës së zezë. Mos shihni lajmet me tritol sepse ka mangësi për zgjidhje konfliktesh.
