Ish-Drejtori i Përgjithshëm i Policisë së Shtetit, Gledis Nano, ka fituar gjyqin kundër institucionit që drejtonte dhe do të dëmshpërblehet me vlerën e 60 pagave.
Vendimi u mor nga gjyqtarja administrative Afërdita Caco, e cila urdhëroi Ministrinë e Brendshme, Këshillin e Ministrave dhe Policinë e Shtetit të paguajnë pagën për 60 muaj, njësoj sikur ai të kishte përfunduar mandatin 5-vjeçar të drejtimit të Policisë së Shtetit.
Tani, shteti shqiptar paguan dy Drejtorë të Përgjithshëm Policie: Muhamet Rrumbullakun, i cili është në detyrë, dhe Gledis Nanon, i cili u shkarkua në gusht 2022.
Nano u shkarkua më 31 gusht 2022 nga detyra me argumentin se nuk kishte realizuar objektivat, me propozim të ish-ministrit të Brendshëm Bledi Çuçi.
