Bayern Munich dhe Real Madrid përfunduan me barazim 2-2 në ndeshjen e tyre të parë gjysmëfinale të Champions League, e cila u zhvillua në Gjermani. Bayerni nisi ndeshjen me intensitet të lartë, duke krijuar shumë raste por pa arritur të konkretizojë. Në minutën 24, Real Madrid arriti të shënonte falë një asistimi të Kros dhe një finalizimi nga Vinicius, duke marrë avantazhin. Pjesa e dytë e ndeshjes solli një kthim në lojë për Bayernin, me Leroy Sane që barazoi rezultatin në minutën 53. Pas katër minutash, një penallti e realizuar nga Harry Kane solli epërsinë për Bayern. Megjithatë, Vinicius doli sërish protagonist duke shënuar me penallti në minutën 83, duke lënë gjithçka të hapur për ndeshjen e kthimit. Kjo ndeshje vendimtare do të luhet më 8 maj në stadiumin Bernabeu, ku do të vendoset finalisti i Champions League.
Tronditëse në Korçë: Adoleshentja tenton për herë të tretë të hidhet nga pallati, shpëtohet në sekondat e fundit
Një situatë tronditëse është regjistruar në Korçë, ku një adoleshente ka tentuar për herë të tretë të ndërmarrë një akt...
