Ngjarja e George Floyd muaj më parë, shkaktoi trazira të shumta në Amerikë, aty ku i nxitën protesta masive. Jo vetëm në shtetin amerikan, por në të gjithë botën, historia e George Floyd u dëgjua dhe ndikoi shumë në sjelljen e autoriteteve kudo në vend e më gjërë.
Madje, historia e Floyd, ka prekur edhe sportin, me shumë sportistë që japin mesazhet e tyre duke u ulur në gjunjë. Gjyqi kundër policit që i mori jetën afro-amerikanit, po zhvillohet sot. Familjarët e George Floyd, për 8 minuta dhe 46 sekonda janë gjunjëzuar para ndërtesës ku po zhvillohet gjyqi në Minneapolis Court (SHBA).
Mediat e huaja bëjnë me dije se në të njëjtën kohë kur polici, tani në gjyq, mbajti gjurin e tij të shtypur në qafën e afrikano-amerikës, tashmë në tokë dhe i paarmatosur, i cili humbi jetën duke thirrur “Unë nuk mund të marr frymë“.
Në orën 08:45 të mëngjesit me kohën lokale në Hennepin County në qendër të Minneapolis, familja e George Floyd u gjunjëzua para sallës së gjyqit, përpara se gjyqin e ish-agjentit që i mori jetën Floyd, ta hapte Derek Chauvin. I pranishëm në këtë demonstratë, ishte edhe avokati i familjes, Ben Crump. Numri i të pranishmëve në ambientet e Gjykatës, është shumë i lartë.
