Gjykata Speciale ditën e sotme ka bërë publike aktauzat e plota ndaj ish-komandantëve të UÇK-së, ish-Presidentit të Kosovës, Hashim Thaçi, Jakup Krasniqit, Rexhep Selimit e Kadri Veselit, të cilët ndodhen në burg prej javësh në pritje të gjykimit.
Ndërkohë mësohet se burgu ku po mbahen në izolim ish-krerët e UÇK-së, ndodhet jashtë Hagës, në zonën periferike në Haaglanden të Scheveningen.
Haaglanden ështe një burg unik në Holandë. Ai është i vetmi që ka një qendër kujdesi ku të paraburgosurit që kanë nevojë për kujdes mbahen 24 orë në ditë.
Ky mund të jetë kujdes fizik, por edhe psikologjik. Ose një kombinim i të dyjave. Burgu mund të strehojë rreth 200 të arrestuar.
Të paraburgosurve u lejohet qasja ditore në ajër të pastër dhe ushtrime fizike, si dhe mundësia për të marrë pjesë në aktivitete të tjera të përshtatshme.
Atyre u lejohet të lexojnë dhe shkruajnë materiale dhe kanë qasje në një bibliotekë që përmban libra, revista dhe gazeta në gjuhët e tyre amtare. Të burgosurit mund të luajnë shah, futboll, dhe lojëra tjera, si dhe mund të përdorin programe radio dhe televizive dhe të marrin pjesë në shërbimet fetare ose shpirtërore. /GazetaReforma.com/
