Kryetarja e Këshillit të Lartë Gjyqësor Naureda Llagami e ka quajtur Gjyktën e Apelit si “thembrën e Akilit”. Gjatë një raportimi online në Komisionin e Ligjeve ne Kuvend, Llagami tha se nga 75 gjyqtarë që duhet të ofrojnë shërbimin, kjo gjykatë ka vetëm 25 gjyqtarë. Ajo u shpreh se gjykatat janë në kolaps, ndërsa tha se grupimi i Apeleve do mundësonte që gjykimi i çështjeve do ishte i drejtë dhe i barabartë.
“Këshillim vonesat ka të bëjnë me, qasjen e KLGJ në promovimin dhe ngritjen në detyrë. Komisioni i Venecias mbajti si standard që anëtarët e Kushtetueses të kalojnë Vettingun. Dua t’ju kujtoj se dhe me Vettingun, deri tani u shkarkuan 13 gjyqtarë me formë të prerë, u shkarkuan 25 gjyqtarë që ruajnë statusin prej pezullimit, duke përfituar 75% të pagës, 30 milion lekë nga buxheti. Po këto gjyqtarë nuk vijojnë çështjet. Është krijuar bllokimi dhe prej këtyre, gjyqtarë që paguhen, por nuk trajtojnë çështjet, ia kalojnë të tjerëve. Gjykata e Apelit është “thembra e Akilit”. Nga 75 gjyqtarë që duhet të ofrojnë shërbimin, 25 gjyqtarë ka. Për një çështje që të gjykohet në Apel duhet 2-3 muaj për në rrethe ndërsa një qytetar i Tiranës duhet të presë 4 vjet. Grupimi i Apeleve do mundësonte që gjykimi i çështjeve do ishte i drejtë dhe i barabartë. Gjykatat janë në kolaps, e kam thënë dhe po e përsëri”, tha Llagami.
