Gjykata ka vendosur pezullimin e çështjes dhe lirimin e nënës lehonë, e cila u arrestua 8 ditë më parë sepse nuk kishte paguar një gjobë prej 250 mijë lekës të rinj, të vendosur nga Gjykata e Shkallës së Parë Tiranë. Diana Bahçja, u arrestua dhe burgos vetëm 8 ditë, pasi kishte lindur djalin e saj.
Avokati i saj pas mbarimit të seancës është shprehur për mediat se qytetarë të shumtë janë vetëofruar për ta ndihmuar për të shlyer gjobën, në mënyrë që të kthehet te fëmija. Në lidhje me arrestimin e nënës në Shkodër ka pasur shumë reagime nga të gjitha sferat, përfshirë dhe politikën, të cilët kërkuan menjëherë lirimin e saj nga qelia.
“Kërkesa e mbrojtjes për pezullimin e menjëhershëm , si masë provizore të ekzekutimit të këtyre vendimeve që fillimisht përmbanin gjobë dhe më pas u konvertuan në dënim. Drejtësia u vendos në vend. Falënderoj gjykatën dhe prokurorinë që u tregua e saktë dhe ishte dakord e pranimin e kërkesës. Ndërhyrja e të gjithë opinion publik, ka ndikuar në mënyrë pozitivë për të ardhur në këtë pikë. Në lidhje me gjobën ne kemi marrë shumë telefonata dhe ka shumë mundësi nga njerëz të ndryshëm dhe donatorë që janë ofruar për të bërë të mundur shlyerjen e gjobës”, tha ndër të tjera ai.
