Paneli i Gjykatës së Apelit në Gjykatën Speciale në Hagë, ka refuzuar kërkesën për mbrojtje në gjendje të lirë të Kadri Veselit, Hashin Thaçit, Jakup Krasniqit dhe Rexhep Selimit. Ata akuzohen për krime lufte në përpjekjen e Kosovës për liri.
Paneli nuk i ka marrë në konsideratë argumentet që ka dhënë mbrojtja e të akuzuarve, por ka mbajtur linjën e Prokurorit Jack Smith dhe Gjykatësin Paraprak, Nicolas Guillou, edhe pse këto organe do të duhej të funksiononin si të pavarura nga njëra-tjetra.
Nga ana tjetër apeli nuk u ka besuar zotimeve të Kosovës, konkretisht Policisë së Kosovës se ka kapacitetet e mjaftueshme që të ofrojë siguri në mbikëqyrjen e të akuzuarve gjatë kohës që do të jenë në liri të përkohshme.
“Bazuar në nivelin e ulët të detajeve të ofruara nga Policia e Kosovës, garancia, karakteri i saj i paqartë dhe i përgjithshëm, përqendrimi i tij në rreziqet e mbyllura dhe heshtja e saj për çdo masë për të parandaluar komunikimet e ndaluara, nuk ishte e paarsyeshme që gjyqtari i procedurës paraprake të konsiderojë që garancia e policisë nuk ishte e mjaftueshme për të adresuar rrezikun e pengesave. Po ashtu nuk ishte e paarsyeshme që gjyqtari i procedurës paraprake të mos jetë i kënaqur se masat garantuese mbulojnë masën e rëndë dhe burimore intensive të monitorimit të të gjitha komunikimeve private të Veselit, në çdo kohë, në mënyrën në të cilën ato mund të monitorohen në Ambientet e Paraburgimit të Dhomave të Specializuara, veçanërisht gjetjet e mëparshme në lidhje me ndikimin e Veselit mbi ish vartësit dhe mbështetësit.
Paneli thekson se do të kishte qenë në diskrecionin e Gjyqtarit të Procedurës paraprake për të kërkuar sqarime të tilla dhe për të dëgjuar provat përkatëse para se të merrte vendimin e tij, megjithëse, siç u gjet më lart, ai nuk ishte i detyruar ta bëjë këtë”, thuhet në vendim.
