Shtyhet seanca gjyqësore për Berishën dhe Malltezin. Avokati i Berishës, Genc Gjokutaj në dalje të gjykatës dha një deklaratë për mediat ku sqaroi argumentet e kërkesës për revokimin e masës.
Gjokutaj: Akt ekspertimi kontabël shpjegon të gjithë ecurinë e historisë së zotit Malltezi që në kundërshtim me c’kërkon prokuroria, gjithçka është shpjeguar. Akti është depozituar dhe i jep përgjigje çështjes së korrupsionit për zotin Malltezi dhe bashkëpunimit më tej me zotin Berisha. Çështje absurde, por ndonjëherë absurdi do më shumë kohë për t’u sqaruar.
Akti i ekspertimit vërteton që procedura ka qenë e rregullt, nuk ka pastrim të produktit të veprave penale.
