Landfill në zonën turistike, të Përmetit ka hapur sërish debate. Banorët e Piskovës kanë qenë kategorik në kërkesat e tyre që landfilli mos të ndërtohet në territorin e fshatit të tyre aq më tepër në një zonë të mbrojtur siç është Bredhi i Hotovës pasi krijon impakt negativ në mjedisin turistik dhe parkut natyror të Bredhit te Hotovës.
Gjykata mori vendim shtyrjen e seancës për gjykimin e rastit të denoncimit të bërë nga banorët për ndërimin e landfillit në Përmet. Në argumentet e banorëve, theksohej se ky landfill po ndërtohej në një zonë të mbrojtur.
Ambientalisti, Sazan Guri:
Këta janë në një zonë të mbrojtur. Ndërkohë që 200 metër është zona e mbrojtur. Prapë nuk vendoset diçka që ka të bëjë me betonet. Pra gabimi i parë, brenda zonës së mbrotjur. Është 500 metra larg depozitës bashkiake për ujin. Do të thotë që ky landfill, është 100 metra larg lumenjve. Por këta lumenj e përmbysin këtë landfill në rastin kur bie shi gjatë dimrit. Më tej, nuk ka shtresë poshtë. Janë 2-3 kompani të bëra në një. Nuk e di përgjegjësinë e saj por si mund të pranohen projekte të tilla kur shkelet hapur zona e mbrojtur.Mungonin 3 kompanitë të cilat i kemi hedhur në gjyq së bashku me ministrinë e Mjedisit dhe bashkinë e Peqinit. E pranuam shtyrjen e seancës por nuk kanë ku të venë, se do të bllokohet se s’bën ndërtimi i këtij landfilli.
