Gjykata Administrative ka shfuqizuar dënimin për deputetët e përjashtuar të Partisë Demokratike, duke vendosur që masat disiplinore të mos mbeten në fuqi. Vendimi është dhënë me ekzekutim të përkohshëm, që do të thotë se aplikohet menjëherë.
Për deputetët Gazment Bardhi, Flamur Noka dhe Bledion Nallbati, është vendosur shfuqizim i pjesshëm i përjashtimit, duke lënë në fuqi vetëm përjashtimin për periudhën nga data 3 deri më 13 tetor. Për deputetët e tjerë, përjashtimi është lënë në fuqi për 5 ditë, nga data 3 deri më 8 tetor.
Grupi Parlamentar i PD ka reaguar, duke e quajtur vendimin një fitore ndaj veprimeve të Elisa Spiropalit, e cila, sipas PD, ka shkelur Kushtetutën dhe rregulloren e Kuvendit me përjashtimin e opozitës. Kjo ka çuar në një kërkesë për rikthimin e deputetëve të përjashtuar në Kuvend.
