Dhoma penale e Gjykatës së Rrethit Gjyqësor të Tiranës ka shpallur sot vendimin për një padi nga ish-ministri i Brendshëm, Sandër Lleshaj ndaj CityNews Albania (CNA.al). Gjyqtarja Migena Laska ka vendosur në favor të CNA.al, duke vendosur një standard të ri në drejtësinë shqiptare.
Kujtojmë se Lleshaj u denoncua nga media në fjalë rreth një vit e gjysmë më parë për blerjen e një automjeti BMW, një makinë luksoze, e cila me vlerën e tregut në Gjermani shkonte deri në 77 mijë euro, që do të thotë rreth 100 milionë lekë të vjetra. Por Lleshaj pretendonte se e kishte blerë automjetin më pak dhe ngriti padi ndaj CAN.al, duke thënë se kishte shpifur për vlerën e automjetit.
Në vendimin e ditës së sotme që përmban rreth 24 faqe nga të cilat gati 20 prej tyre janë arsyetim i gjykatës mbi faktet dhe provat e paraqitura nga palët, Gjykata e ka shpallur CAN.al të pafajshëm.
Ndër të tjera, ish-ministri i Brendshëm lëvizje me një automjet që kishte targa false, diçka që nuk e ka përmendur në gjykatë. CAN.al denoncoi se mjeti ishte blerë për llogari të oficerit të kontaktit në Ambasadën Shqiptare në Berlin, i cili pasi i është vënë në dispozicion ministrit Lleshaj dhe një shumë me faturat finale të publikuara, prej rreth 50 mijë euro pa TVSH.
Lleshaj kishte deklaruar në emisionin “Opinion” se mjeti ishte blerë me atë vlerë për shkak të postit që mbante Por, CNA.al asnjëherë nuk e vuri në mëdyshje shumën prej 50 apo 60 mijë euro, e cila në fakt ishte diçka më pak, ndoshta 20% më pak sesa vlera e tregut e verifikuar në një dyqan zyrtar të BMW-së, për të njëjtin model në Këln, të Gjermanisë.
Edhe pse ishte një fakt lehtësisht i verifikueshëm, ministri foli para kohe kur në parlament filloi të fyente median në fjalë dhe ta akuzonte për shpifje. Por diferenca në çmim nuk është çështja kryesore. Problem përbën fakti se në kulmin e pandemisë dhe pas një tërmeti shkatërrues, Lleshaj nuk u kursyer për të blerë një makinë luksoze. Nëse do të kishte minimumin e moralit që shpesh e ka përmendur si parësor për të, Lleshaj do të jepte që atëherë dorëheqjen, por u desh të ndodhte një ngjarje edhe më tragjike, siç ishte vrasja e Klodian Rashës, që Lleshaj të largohej nga detyra.
Lexoni edhe Tjetër skandal për ministrin Lleshaj, ndryshon targat e makinës pa dokumente me të cilën lëvizte
