Gjykata ka refuzuar kërkesën e ish-ministrit të Shëndetësisë, Ilir Beqaj, për ndryshimin e masës së sigurisë “arrest në burg” në lidhje me hetimet për dosjen SASPAC.
Avokati i Beqajt argumentoi se ish-ministri nuk është marrë i pandehur nga SPAK dhe nuk përbën rrezik arratisjeje, duke qenë se është treguar bashkëpunues.
Megjithatë, gjyqtarja Rudina Palloj, pas shqyrtimit të çështjes në një seancë të zhvilluar këtë të premte, e cila nisi në orën 09:30, e rrëzoi këtë kërkesë.
Edhe Gjykata e Lartë kishte refuzuar më herët rekursin e Beqajt për ndryshimin e masës së sigurisë. Ish-ministri u arrestua më 4 korrik 2024 me urdhër të SPAK, si pjesë e hetimeve të prokurores Elida Kaçkini për abuzime me fondet e SASPAC.
