Gjykata e Tiranës ka caktuar masën e sigurisë për autorin e vrasjes së Mehmet Qemës te “5 Maji“, Marjus Dema. Gjykata vendosi që ta lërë atë në burg. Kjo ka qenë masa që prokuroria ka kërkuar për Demën, mbi të cilin rëndon akuza “vrasje me dashje“, megjithëse ai ka deklaruar se çdo gjë ndodhi aksidentalisht.
Ndërkohë, për të akzuarit e tjerë, Xhuliano Koçi dhe Frenkli Myftari, u la masa e sigurisë “arrest shtëpie“. Për Erlind Pekën, Blerim Hotin, Marjus Halilin dhe Eder Pjetrin u la masa e sigurisë “Detyrim paraqitje“.
Kujtojmë se Mehmet Qema u vra rreth mesnatës të së hënës së kaluar, nga shoku i tij Marjus Dema. Ky i fundit ka dejklaruar se ngjarja ndodhi aksidentalisht dhe se nuk e dinte se arma ishte e mbushur. Në dëshminë e tij ai ka treguar se Qemën e ka pasur si vëlla dhe nuk kanë pasur asnjëherë konflikte. Ndërkohë, në dëshimnë e pronarite të një servisie makinash që ndodhet aty pranë, thuhej se ai e kishte gjetur autorin të shtrirë dhe duke qarë, e duke bërtitur i tronditur pas ngjarjes. Marjus Dema u vetëdorëzua në polici disa orë pas krimit, dhe më vonë u dorëzuan edhe personat e tjerë që kishin qenë të pranishëm në vendin e ngjarjes.
