Gjykata e Tiranës ka vendosur masën ‘Arrest me burg’ për 40-vjeçaren Marsela Pushani, që akuzohet se ka vrarë me thikë të motrën e saj pak ditë më parë në Tiranë. Seanca e sotme u zhvillua me dyer të mbyllura për shkak të sensitivitetit të ngjarjes.
Si ndodhi ngjarja?
Fillimisht nga familjarët u raportua si një vdekje natryrale, por ky version u rrëzua pas hetimeve të thelluara të policisë, ku rezultatet e autopsisë treguan se 37-vjeçarja ka humbur jetën pas goditjes nga një mjet prerës. Mësohet se seanca po mbahet me dyer të mbyllura.
Sipas dëshmisë së 40-vjeçares, e motra, viktima, kishte shkuar e dehur në shtëpi në momentin që ndodhi krimi dhe kishte disa shishe birrë në dorë.
40-vjeçarja ka deklaruar se ato po debatonin pasi po i kërkonte llogari për gjendjen e saj duke qenë se kishin rënë dakord që s’do pinte më. Sipas 40-vjeçares, vikitima Amanda kishte marrë thikën në dorë dhe duke tentuar t’ia hiqte ajo e kishte qëlluar për vdekje. Ndërkohë edhe nëna e tyre në dëshminë që ka dhënë për policinë është shprehur se Marsela e ka goditur të motrën në kushtet e vetëmbrojtjes.
