Gjykata e Tiranës la të premten të lirë Ervis Martinaj, i vetmi që qëndronte në burg pas vrasjes që ndodhi në 4 tetorin e vitit të shkuar në zonën e ish-Bllokut.
Kujtojmë që Martinaj e la burgun në këmbim të një garancie pasurore prej 50 milionë lekësh të vjetra. Gjyqtari që dha vendimin, Artan Gjermeni, e ndryshoi masën e sigurisë nga “arrest me burg” në “liri në këmbim të garancisë pasurore” pas kërkesës së bërë nga mbrojtësit e Martinajt.
Mësojmë se ditën e sotme Prokuroria e Tiranës ka apeluar vendimin për të lënë të lirë nga qelia Ervis Martinajn i cili u vu në pranga pas vrasjes së ndodhur më 4 tetor të 2018 në ish-Bllok. Mbi Martinajn rëndonin 7 akuza por vendimi për ta lënë të lirë erdhi para 5 ditësh pasi ai la në garanci një shumë prej 5 milion lekësh të rinj.
Në maskarën e ish-Bllokut mbeti i vrarë Fabiol Gaxha ndërsa u plagos vetë Martinaj dhe Elio Hato. Martinaj ishte i vetmi që ishte në burg pas vrasjes në ish-bllok. Ndaj tij momentalisht Prokuroria e Tiranës ka ngritur 7 akuza atë të “Vrasjes në rrethana të tjera cilësuese në bashkëpunim mbetur tentative”, “Prodhim dhe mbajtja pa leje e armëve të zjarrit”,“Falsifikim të pasaportave apo letër njoftimeve”, “Pastrimit te produkteve te vepres penale ose veprimtarise kriminale”, “Fshehje të ardhurash”, “Organizimi i lotarive të palejuara” dhe ”Vënia në dispozicion e lokaleve për lojëra të palejuara.”
