Gjykata e Fierit la sot në burg tre personat e arrestuar për vrasjen e Drita Saliaj në Gjerbës të Mallakastrës, Luis Saliaj, Ervis Zotajn dhe Sindi Shehajn.
Këta të fundit e mbytën me peshqir 50-vjeçaren dhe më pas e hodhën në rezervuar.
Nipi i bashkëshortit të viktimës, Luis Saliaj, tha se nuk kishte marrë pjesë në vrasje, por kishte shkuar me dy shokët për të grabitur banesën.
Edhe Ervis Zotaj ka mohuar të kryer këtë akt të rëndë.
Prindërit e Zotaj një ditë më parë, kërkuan pushkatim për djalin e tyre.
Më parë të rinjtë kishin deklaruar, se situata u kishte dalë jashtë kontrollit, pasi shkuan thjesht për të grabitur.
Drita Saliaj jetonte e vetme, pasi burrin dhe fëmijët i kishte në Greqi.
Ajo i kishte ushqyer tre autorët, përpar se ta mbysnin dhe më pas ta hidhnin në rezervuar.
