Lirohet ish-deputeti i PD-së Klevis Balliu. Gjykata e Tiranës ka vendosur masën “detyrim paraqitje” për ish-deputetin demokrat si dhe 3 protestuesit e tjerë.
Prokuroria në pretencën e saj ka kërkuar “arrest me burg ” për ish-deputetin Balliu dhe 3 të ndaluarit e tjerë, ndërsa gjykata vendosi t’ju japë lirinë duke kërkuar “detyrim paraqitje për Balliun dhe tre të tjerët. Klevis Balliu akuzohet për ‘Kundërshtim të forcave të policisë’ dhe për ‘Prishje të qetësisë publike’. Ish deputeti i PD, Klevis Balliu ka mohuar akuzat ndaj tij. Klevis Balliu akuzoi efektivet për dhunë fizike gjatë shoqërimit të tij.
Balliu u arrestua në flagrancë dy ditë më parë gjatë një proteste në Unazën e Re, në Tiranë ku u përleshën me policinë në tentativë për t’i bllokuar rrugën kryeministrit Edi Rama. Ish-deputeti demokrat u përplas gjatë protestës me efektivët blu, kur këta të fundit filluan të shoqëronin banorët që kishin bllokuar rrugën.
