Këngëtares Fjolla Morina i është caktuar masa e paraburgimit prej 40 ditësh nga Gjykata Themelore në Prishtinë.
Vendimi u mor ditën e sotme nga gjyqtari i procedurës, Agim Kuçi, në prezencën e prokurores Javorka Prilincevic, të pandehurës Fjolla Morina me avokatët e saj, Fehmije Gashi-Bytyqi dhe Fanol Krasniqi.
Fjolla u arrestua dy ditë më parë në dyqanin e saj në Prishtinë, pasi ishte e shpallur në kërkim ndërkombëtar nga Interpoli. Mbi të rëndon akuza për trafikim të armëve dhe municionit në Shqipëri. Morina ishte shpallur në kërkim më 21 prill 2021, një muaj pasi gjykata e Kukësit e dënoi me 6 vite burgim për “trafik të armëve dhe municionit”.
Arrestimi i Fjolla Morinës u bë në shtator të vitit të shkuar, në pikën e kalimit kufitar Morinë, ku këngëtares iu gjet një armë zjarri pistoletë tip “Zoraki” me 23 fishekë.
Dy ditë më parë, mori fund arratia e këngëtares së njohur Fjolla Morina, pasi në mesditë ajo është arrestuar nga policia e Kosovës. Morina ishte në kërkim nga autoritetet shqiptare, ndërsa mësohet se u arrestua në një lokal në Prishtinë.
Morina ishte e shpallur në kërkim ndërkombëtar nga Interpoli Tirana, pasi mbi të rëndonte akuza për trafikim të armëve dhe municioneve në Shqipëri. Gjykata e Kukësit dënoi me 6 vite burg këngëtaren nga Kosova, Fjolla Morina, për veprën penale të “Trafikut të armëve dhe municionit”.
