Ish-kryeministri Sali Berisha ka bërë sërish me dije se gjykatësi në Paris e ka pranuar padinë e tij ndaj Sekretarit Amerikan të Shtetit, Antony Blinken. Berisha tha nga Lezha se ndër të tjera ai është njoftuar se dosja ndaj tij ka zero fakte, dokumente dhe prova. Megjithatë ai e ka ftuar Sekretarin e Shtetit që çdo provë që ka ta çojë në sallën e gjyqit në Paris.
“Kam kënaqësinë t’ju them ju sot se jo vetëm gjykatësi ka pranuar shqyrtimin e padisë sime, por miqtë e mi, më ka njoftuar se ajo dosje ka zero fakte, zero dokumenta, zero prova. Ashtu siç ju kam thene unë ju. Megjithatë unë ftoj Sekretarin e Shtetit që çdo provë që të ketë ta çojë në sallën e gjyqit në Paris. Nuk kam asgjë personale dhe dua t’iu them se të nesërmen e vendimit e pyeta veten përse e mori këtë vendim ndaj meje”, ka thënë Berisha në foltoren e tij të radhës.
Ai gjithashtu ka sulmuar sërish kreu e Partisë Demokratike, Lulzim Basha, për të cilin ka thënë se u mor me karrigen e tij dhe harroi masakrën elektorale. Berisha u shpreh se Basha dhe Rama duan t’i mashtrojnë demokratët dhe ta bëjnë foltoren të duket si interes i tij personal.
